الموضوع: والمدينة خيرٌ لهم لو كانوا يعلمون.. تقرير: ماريوت Marriott المدينة..سويس هاوس..وآشياء أخرى

مرحبا ومسا الخير عليكم متابعيني في كل مكان وزمان <<< تحلم تصير مذيعه

في يوم من الآيام الجميلة الايمانيه قررنا الذهاب جميعاً الى المدينة المنورة وهي فكرة جميلة لتجديد الايمان واستغلال الاجازة الصغيره وصرف الراتبين خخخخ << هذا أهم شي

طبعاً بما إني البوس دايما وأبدا خخخخ أُسند إليا مهمة البحث عن فندق يليق بنا وبفلوسنا ههههه

فريت النت وتفرجت على كتير من الفنادق والتقارير وعجبني كثير منهاواتصلنا عشان نحجز ولكن للأسف الأغلب كان فللللللل مع العلم انه كان هذا قبل ثلاث أسابيع من روحتنا

طبعاً هذا الشي الغير طبيعي سببه التضخم السكاني الرهيييييب اللي مدري فين الناس كانوا قبل متخبين في بيوتهم عشان البرد يمكن ودحين طلعوا فجأه أو بتوفع عشان المظاهرات والدنيا كلها خايفه وماطلعوا ولا عشان العمرة الخارجيه مفتوحه وهو السبب الأقوى طبعاً والسبب الثاني اكيد الناس ودها تفسفس فلوسها <<< هدي اضرار الراتبين
تفسفس = تبعثر لغير الناطقين بالحجازيه

عموماً نرجع لموضوعنا

ماكان قدامنا اختيارات كتيره في ظل الفنادق المحجوزه أغلبها .. وبالنهاية اعتمدنا الماريوت لعدة أسباب :
1/ فندق عالمي وأكيد انه نظيف على الاقل
2/ موقعه بعيد لكن متوفر فيه الباصات 24 ساعه
3/ كان العرض حلو غرفة لارج ستديو يعني تشمل 3 أشخاص بقيمة 489 ريال شامل للخدمة والافطار
4/ الفندق الوحيد المتوفر والمعقول سعراً

وهذا مايمنع انو اختيارنا له كان مغامرة لأنو حتى تقييمات بوكنج وحكيهم عنه مو كثير يمدحوه بس قلنا برضو نجرب + اساسًاً مافيه خيارات غيرها
وكمان مافيه تقرير عن الماريوت ابداً في النت
ولهذا يعتبر تقريري الأول من نوعه في عالم النت هههههههههههه <<< كأني صدقت نفسي

لا من جد تعبت عشان أشوف صور له من جوا حقيقية مااااافيه ابداً
فقلت يالله انا بكون أول وحده أسوي له تقرير ولو إنهم مايستاهلوا ههههه

بسم الله نبدأ ههههه << البربره اللي فوق مالها داعي حريم شو نسوي لازم خخخ

صباح الخميس اطلقنا برعاية الله متوجهين الى المدينة وعلى أساس ننطلق بعد الفجر علطول لكن كالعادة الحوسه والناس النايمين واللي مابتروح واللي دوبهم يرتبوا شنطهم << مو أنا طبعا خخخ
المهم صارت الساعه 9 ويالله دوبنا نحرك
واكيييد عشان الوالد الله يطول بعمره ويحفظه يبا يصلي الظهر في المدينة ماصدق اخويا سائق السياره فرصه وجات لعنده وآخذها حجه وفقع في أم الخط 180 على 200 أغلب الخط كدا وابوي مسكين يده على قلبه وأنا في عالم آخر مع النوم خخخ ومالي خلق تصوير ولا شي وأخلاقي تجارية

وصلنا بحمدلله عالساعه 12 ماشالله يعني كل الخط يمكن آخدناه في ساعتين ونص هههه
ولما وصلنا بدأت اصحصح وتذكرت في ناس ورايا يبوا تقارير خخخخخ << محد درى عنك

المهم صورت كم صوره لجبل أحد واحنا في الخط واخوي مسرع ويابن الحلال هدي شويا خليني اصور ولكن مسرع بس مع ذلك محد يرددني وأصور ولا همني حد وكله لعيونكم خخخخخخخخ



ووصلنا الحرم النبي الشريف عشان نصلي الظهر



وصورة أخرى للمظلات



وصورة بعد انتهاء الصلاة بجوالي العزيز اللذي أشكره جزيل الشكر هههه لأني استخدمته كتيييييير لسبب سوف أذكره لاحقاً



بعد الصلاة كانت الساعه 1 تقريباً طبعا ماصار وقت التشيك ان قلنا خلينا نستغل الوقت ونروح نآكل في مطاعم المدينة الجميله

ووقع الاختيار على سويس هاوس في شارع سلطانه
وهو أحد المطاعم الجديدة والجمييييييلة والخطيره بصراحة



وهنا المدخل



وهذي نلقاها في وجهنا علطول عشان يفرحونا هههههه لأنه بصراحه ولا مطعم من المطاعم مايستاهل 15 % خصوصا لو كان طلبنا كتير بياخدوا قريب 100 وهما بس جابوا الأكل وشالوه اموت واعرف على ايش خدمه



والمطعم بالدور الثاني
الجهة اليمنى مطعم والجهة اليسرى كافيه
ومع اننا وصلنا بدري بعد الظهر مباشرة إلا انه الاطلالة بالمطعم يعني بالجهة اليمنى كانت مليانه ورحنا مكان مره ماعجبنا حسيته مكتوم ولما شافونا مش عاجبنا المكان غيروه لنا ورتبوا لنا في الكافيه طاوله حلوه ولها اطلالة عالشارع العام

وهنا بعض من الديكورات



في الكافيه



وهنا بالخارج جلسات خارجيه روووووووووووووعه بالليل والجو البارد



ومن الاطلاله نقدر نشوف الجلسات كمان



وهنا الاطلاله لطاولتنا طبعاً هذا الجبل جبل أحد



من بعض الديكورات



الاطلالة بكميرتي العزيزه



المنيووو



اختياري



بعض من الوجبات

سويس سيزر سلاد مع اللحم والدجاج



وجبة ماي فاذر ربيان مشوي



وجبتي اللزيييييييييييييزة مررره بصراحه يكفي انها مفلفله يمي يمي



صورة اقرب للتعذيب لوجبتي ههههه



صورة لجانب من طاولتنا المليئة بكل مالذ وطاب



وأخيراً التقليد لمولتن كيك ههههه بصراحه مره كان عادي مش واو



تشيز كيك السنكرز لبابا عاشق السنكرز ههههه ممم برضو عاديه



وأخيراً عند الساعه 4 الا ربع تقريباً انتهينا



ولقينا جموووووع كثيره من الناس تنتظر دورها والحمدلله اننا جينا بدري ولا مالقينا مكان وبصراحه مافيه مطاعم صاحيه في المدينة غير سويس هاوس وستيك هاوس وابل بيز غير كده عااااااادي

تقييمي للمطعم مررررررررره روووووعه مقابل أسعاره
صح مايرتقي بمستوى تشيلز في الطعم بس بالنسبه لنظافته وتنوع المنيو ورخص اسعاره مره مره عجبني

وأعطيه 1000 على 10 يستاهلون

بعدها انطلقنا للماريوت



وهنــآك جننوا أهلنا حسبي الله فيهم

أروي لكم ماحدث في الحلقه المقبله قريباً ان شاء الله هههههه <<< تسمع بالتشويق

استمتعوا

صباحكم تحطيم أجل ولا رد

يلا ماعليه عزائي في عدد المشاهدات + الكوفي اللي بجنبي نوعاً روقني وأكيد عشان جو الصباح الجميل

نكمل ماتبقى من رحلتنا الماضيه

قبل ما أكمل .. حكيت لكم إنو بشكر جوالي جزيل الشكر لسبب ما ونسيت أذكره هههه
والسبب هو أنني قد تفاجأت هناك ببطاريه الكام تبعتي مخلصه خخخخ ومن جد مره زعلت وللأسف ماكنت جبت الشاحن مع العلم انو داااااااايماً بأي رحلة بجيب الشاحن الا هالمره تكاسلت ومع العلم أيضاً أنها المره الوحيده التي احتجت فيها للشاحن <<< أوم الحظ من جد

بس معايا لا يأس مع الحياة ولا حياة مع اليأس خخخ وصورت بالكام مجرد بس افتحه والقط الصوره وأسكره علطول حفاظاً على البطارية واستعنت أكيد بكام الجوال ( جوالي فيفاز الفوشي هههه )

طيب نعود الآن لموضوعنا

في الحلقة السابقة وقفنا عند باب الماريوت

وبالمناسبة الخريطة اللي بحطها دحين جداً رائعه وهيا خاصة بالفنادق المحيطة بالحرم وابراء للذمة فهي ملطوشه

والماريوت يعتبر في المنطقة الجنوبية للحرم النبوي الشريف وهذه المنطقة تعتبر جيدة بالنسبة للرجال فقط
لأن النساء الأبواب الخاصة لهم تقع في المنطقة الشماليه وجزء بسيط في الركن الشمالي الغربي .. يعني الله الله بالمشي ياحريم على الله ننحف ههههههههه

المسافه إلى الحرم تاخد 10 دقايق الى ربع ساعه مشي عالرجل
بالباص دقيقتين الى باب السلام
بس النساء مالهم الا باب الملك فهد وهو بالزاوية الشمالية الغربيه مثل ماقلت قبل

الماريوت أحطته بدويرة أورنجية وتلاحظون أنه بعيد فعلاً




مثل ماذكرت سابقاً بأن الحجز تم عن طريق الحجز المركزي للماريوت 8008971437
وكان الحجز عبارة عن 4 غرف لارج ستديو كل غرفة بقيمة 489 ريال شامل للخدمة والافطار
طبعا اللارج ستديو حد أقصى 3 أشخاص

هنا مدخل الفندق



ومع أننا اتصلنا عليهم قبل لا نوصل بـ نصف ساعة تقريبا من 3 ونص عشان يجهزوا الغرف بس للأسف ما جهز منها الا غرفتين بس !!
مع العلم انه التشيك ان يبدا 3 ظهرا ً
وبعد المحاولات والانتظار دخلنا للغرف تقريباً 4 ونص عصرا واعطونا 3 غرف بس
اثنين منها بالدور الأول وواحدة في الدور العاشر !!! ملاحظين قد ايش الفرق

واتصلنا عليهم أكثر من مره عشان يسرعوا بتجهيز الغرفة الرابعه ولكن للأسف لاحياة لمن تنادي .. اهماااااااااال وتجاوب بارد جدا ً وفوقها قلة حيا

وكان لي موقف شنيع مع أحدهم
طبعاً انتظرنا وانتظرنا وقلت مابدهاش هدول اكيد ناسين !!

واتصلت عليهم الساعه 6 ونص أي بعد مرور 3 ساعات ونص من موعد التشيك ان .. وسألت اذا الغرفة الرابعه جهزت أو لا لأننا ننتظر ومن جد كنا محشورين ومره تعب الواحد قايم من صباح الله ويجي مايلقى مكان صح ينام فيه
فتخيلوا وش كان الرد الصاعق : انو تفاهم مع اخويا وخلاص وقت ما تتوفر نتصل عليكم يعني بالمعنى الفصيح لاتزعجونا

والله انا وقتها كذا صرت ومسكت أعصابي لآخر درجه ومارديت الا بـ تكلم بأدب ولا لا ترد وقفلت بوجهه
ومسكت الجوال واتصلت على أخويا واشتكيت له ههههه << شريرة
المهم عاد أخويا نزل معصب معصب مو كفايه مؤخرينا كمان قلة حياء بالرد وياليتهم يعطونا وقت محدد لا بيحكوا لما تتوفر غرفة نقولكم وبس

نزل أخويا عند المدير وبهذذذذذذذذذذذذله وهزأأأأأأأأه وماخلى ولا شي فيه خخخخخ والساعه قربت على 7 وقاله هذا اللي في الاستقبال اللي رد على أهلي يعاااااقب خخخخخ
المهم انو المدير طيب خاطرنا وقال امسحوها بوجهي خخخ وكعادة السعوديين قلبنا طيب ونسامح وقال انو الخطأ من نزيل كان اليوم المفروض يخرج وكانوا مجهزين غرفته لنا وللأسف مدد إقامته ومهو راضي يخرج ويتحداهم كمان ويقولهم جيبوا الشرطة لو تبغوا تخرجوني !! والله عيب
وللأسف احنا انضرينا وان شالله يجي يوم وينضر فيه زي ما ضر غيره حسبي الله عليه

وعالساعه 7 ونص وفروا لنا غرفة مزدوجه وقالوا لنا بكره نغيرها لكم بـ لارج ستديو

ووافقنا لأننا مضطرين بس الحمدلله ضبطت معانا وماغيرناها مع العلم انو حجزنا كان لارج ستديو يعني المفروض يرجع فرق السعر لكن هذا بالدول المتقدمة مو بالسعوديه مالت بس

كان يوم مشعلل وتعبنا وعصبنا بس مانقول الا الحمدلله على كل حال ..

أعود لاستعراض الصور في الفندق

صورة للمرات



المصاعد وهي اثنين فقط !!!



وندخل على الغرف

السرير وفيه واحد ثالث جنبهم بس يعتبر إضافي وشكله مو حلو بالصورة فما صورته هههه بس تخيلوه انتو



جلسة بسيطة في الغرفة



التسريحة



صورة مقربة للسرير اللي هوا أحلى شي في الفندق مرررررررا مريح ومشهي جداً للنوم والاسترخاء



وهنا مغسلة الحمام وبالمناسبة الحمام نظيف بس عادي مره طبعا الصابون الاصفر دوبني أدري انه من عندنا بعد ماشيكت عالصور واكتشفت انه حقت الشغاله وحطته هنا قبل لايعطونا الغرفة الرابعه خخخ



مرافق الغرفة

خزنة الامانات + مكواة وطاولة كي



الكارد تبع الغرفة



التلفزيون بلازما بس حاطينه بدولاب وممكن يتقفل طبعا



صورة بانورامية << فنانة



ثلاجة الغرفة ( ترا الفيمتو حقي )



وهذه الموية ضيافة من عندهم ( كتر خيرهم بس موية عسى ما تكلفتوا بس )



اطلالة الغرفة كانت على مبنى امارة المدينة واللي كان شكله مره حلو بالليل يصير كله أخضر



وهدي الاسعار كانت موجودة على باب الغرفة من ورا وبصرررراحه مره غاليه على شي ما يسوى بس طبعاً احنا أخذناها أقل بكتير زي ما حكيت من قبل



وبوفيه الافطار طبعا كان يشمل 3 اشخاص لكل غرفة وبما اننا ماخدين 4 غرف يعني = 12 شخص
بس للأسف كان أفشل بوفيه شفته بحياتي الله يديم النعمه مره كان عاااااااادي وأصنافهم قلييييييله والخدمه آه بس من الخدمه كان فيه واحد مصري تقولوا كأنوا بيفطرنا على حسابه والله كنت الا شوية بروح أشتكيه بس سميت بالله وصليت عالنبي وهديت وقلت قطع الاعناق ولا قطع الارزاق

والله من فشلته صراحة ماقدرت أصوره بس يادوب صورت بعض أطباقنا



في اليوم التاني صورة للطاولة كاملة



المهم رحنا الحرم والتقطت صورة نادرة من الداخل هههههه حيث ان جوالات الكميرا ممنوووووعة من الدخول بالنسبة للنساء ولكن انا دخلللللللته <<< فين المراقبات تراني دخلته غصبا عنكم خخخ



وفي اليوم اللي بعده كان لنا زيارة للنور مول واللذي اكتشفت فيه أنهو أخو الظهران مول في الشرقية وعزيز مول في جدة ههههههه ومدري يمكن بنكتشف اخوان تانين

وهنا صورة له من بعيد وهذه الصورة تعبت في التقاطها خخخخ



وهنا من الداخل عشان أثبت لكم انووو شبه الظهران وعزيز مررره في نخلاته وكراسيه خخخ
بس اكيد هم اللي قلدونا لأنو هذا أجد شي خخخ

السوق لطيف وستايله زي عزيز ونفس المحلات تقريبا بس ماكنت بمزاج تسوق .. كنت بدي أتمشى واستكشف لاغير خخخ



بالمناسبة .. الماريوت له مدخلين مدخل أمامي ومدخل خلفي ..

الخلفي فيه جنبه ساحة خاصة بمواقف النزلاء
كمان فيه باصات 24 ساعه متوفره توديك للحرم مجانا أكيد

وهنا المدخل الخلفي صورته بعد مارجعنا من النور



وهنا الواجهة الخلفية صورتها بعد التشيك آوت



من البوابة الخلفية للماريوت يلاحظ منارة المسجد النبوي اللي حطيتها بدويرة حمراء بعيييدة طبعا اماالباقي فهي منارات مساجد ثانية هههه



وكعادة الشعب السعودي واللقافه اللي فيه هههههه أنا اثبت هذي المقولة بتصويري لسيارة عرسان خخخخ ياقلبي جايين هالفندق والله تجرية سيئه من جد رحمتهم



أخيرا تقييمي للماريوت بخط يدي السريع ولا هو أحلى لو روقت خخخخخخ



التشيك اوت كان اجراءاته سريعه واعتذروا فيها كمان عن اللي صار بأول يوم وما إلى ذلك لدرجة انو المدير أمر الموظف مايكون في الاستقبال وقت مانكون فيه ههههه

عموماً ودعنا المدينة على أمل اللقاء بها في غير الموووواسم ان شاء الله وهذه فعلا تجربة لا تنسى من الزحمة والالم والتعصيب والى ذلك

انطلقنا بعدها إلى جده للمطار وودعنا أخوي



وبعدها وقت الاستراحه ههههه ومن المطار الى المطعم المفضل عند العاااااائله



وجلسنا بالجلسات الخارجية وهذا جانب منها







طاولتنا ويظهر منها طبقي اللزيز باستا



وأختم بهالصورة المغرية ههههه بتصوير أختي من جوالها الايفوني اللي ماتوقعت انو يصور صور حلوه هيك خخخخخ



والحمدلله شبعنا وانطلقنا عائدين الى ماي هومنا

إلى هنا أكون قد انتهيت من سرد رحلتنا البسيطة والجميلة..

أبرز مايستفاد :
1/ الماريوت فندق جميل نوعاً ما ولكن للأسف لا يضاهي ابدا الماريوت العالمي ومستحيل أكرر زيارتي له أبداً
2/ سويس هاوس مطعم فوق المعتاد أنصح بزيارته بشده
3/ لا أحد يفكر يروح المدينة في المواسم لأنو من جد مره زحممممه وكده الواحد يفقد الروحانيه اللي هي بالاساس الغرض الحقيقي من الزياره
4/ خلاص مافي راسي شي هههه اذا استفدتوا شي انتوا خبروني عشان أزود هالنقاط

يلا أنا خلصت والحمدلله استمتعواااااا

*** للمرة الثانيه أرفع الصور

هلا بالمراسلة المبدعة

ماشاءالله تبارك الله تقرير متعوب عليه والصراحة بإختصار "بدعتي ، شجعتينا ، أغريتينا لرحلة قريبة خخخخ"

مرحبا ومسا الخير عليكم متابعيني في كل مكان وزمان <<< تحلم تصير مذيعه

ياهلا فيك ويمسيك بالأنوار يا صوتنا بالغريبة وما جاورها

في يوم من الآيام الجميلة الايمانيه قررنا الذهاب جميعاً الى المدينة المنورة وهي فكرة جميلة لتجديد الايمان واستغلال الاجازة الصغيره وصرف الراتبين خخخخ << هذا أهم شي

ههههه ماشاءالله ويارب عليكم عافية الراتبين وكمان إن شاءالله إستمتعتي بالرحلة

طبعاً بما إني البوس دايما وأبدا خخخخ أُسند إليا مهمة البحث عن فندق يليق بنا وبفلوسنا ههههه

هههه مدري ليه أحسك فيك إجرام في حياتك ؟ شكلك شقيه آيام الدمرسه وتضربي الطالبات زميلاتك من صغرك وإلا لك مناوشات مع أخوانك

وكيف فرحانه بالراتبين وتبي شيء يليق بفلوسكم المفروض تفتحيها ع بحري وتجي ع نفسك وجيبك أشوية

فريت النت وتفرجت على كتير من الفنادق والتقارير وعجبني كثير منهاواتصلنا عشان نحجز ولكن للأسف الأغلب كان فللللللل مع العلم انه كان هذا قبل ثلاث أسابيع من روحتنا

طبعاً هذا الشي الغير طبيعي سببه التضخم السكاني الرهيييييب اللي مدري فين الناس كانوا قبل متخبين في بيوتهم عشان البرد يمكن ودحين طلعوا فجأه أو بتوفع عشان المظاهرات والدنيا كلها خايفه وماطلعوا ولا عشان العمرة الخارجيه مفتوحه وهو السبب الأقوى طبعاً والسبب الثاني اكيد الناس ودها تفسفس فلوسها <<< هدي اضرار الراتبين
تفسفس = تبعثر لغير الناطقين بالحجازيه

عموماً نرجع لموضوعنا

ماكان قدامنا اختيارات كتيره في ظل الفنادق المحجوزه أغلبها .. وبالنهاية اعتمدنا الماريوت لعدة أسباب :
1/ فندق عالمي وأكيد انه نظيف على الاقل
2/ موقعه بعيد لكن متوفر فيه الباصات 24 ساعه
3/ كان العرض حلو غرفة لارج ستديو يعني تشمل 3 أشخاص بقيمة 489 ريال شامل للخدمة والافطار
4/ الفندق الوحيد المتوفر والمعقول سعراً

وهذا مايمنع انو اختيارنا له كان مغامرة لأنو حتى تقييمات بوكنج وحكيهم عنه مو كثير يمدحوه بس قلنا برضو نجرب + اساسًاً مافيه خيارات غيرها
وكمان مافيه تقرير عن الماريوت ابداً في النت
ولهذا يعتبر تقريري الأول من نوعه في عالم النت هههههههههههه <<< كأني صدقت

يعجبني فيك إطلاعك وبحثك ماشاءالله عليك لك طول بال في الموضوع

عني قبل فعلاً كنت مطلع بكثرة الآن في أسماء معينة لفنادق هي اللي أبحث عنها في أي سفره لي مثلاً " فور سيزون - روز وود - ميرديان -سمر سيت - شاليها الموفنبيك - وغيرها بس دايم أكون محصور بينها.

بس حكيك عن الزحمة فعلاً شيء قلق وبقوة خاصة هذه الإجازة آنا صار لي موقف الأسبوع الماضي طلعت من بيتي للكورنيش أخذت ساعة إلا ربع وهذا آنا مطل ع الكورنيش الأيام العادية والويك إند العادي بين 2 إلى 5 دقائق بس تخيلي 45 دقيقة الأسبوع الماضي

ههههه تفسفس ترى مو بس عندكم حتى عندنا هالكلمه

وعليكم عافية فندق الماريوت صراحة إختيار موفقه وكان ضمن لستتي في الفنادق ولا زال إذا كنت مسافر لحالي بس إذا كنت برفقة أي حد أو حتى سفرة مع الزملاء ما بينفع أبدا راقي وجميل بس تحسي الغرف صغيرة وضيقه كمان أكثر من اللازم

وإلا الراحة فيه مره عجيبة والصراحة سعره مناسب جداً جداً لاني أتذكر في سنة 2007 أو قبلها سكنته في الرياض 1500 ريال لليلة وآنا لحالي كيف لو كان فيه مرافقين خخخخ

بس حلوه التجربة تعجبني كثير حكاية التجارب

لا من جد تعبت عشان أشوف صور له من جوا حقيقية مااااافيه ابداً
فقلت يالله انا بكون أول وحده أسوي له تقرير ولو إنهم مايستاهلوا ههههه

هههه عندي لك إقتراح أرسلي رابط الموضوع للإدارة على الأيميل يمكن تفوزي بإقامة مجانية بجد وإذا فزتي أهديني أياها خخخخ إنتي رحلتي خلاص

بسم الله نبدأ ههههه << البربره اللي فوق مالها داعي حريم شو نسوي لازم خخخ

صباح الخميس اطلقنا برعاية الله متوجهين الى المدينة وعلى أساس ننطلق بعد الفجر علطول لكن كالعادة الحوسه والناس النايمين واللي مابتروح واللي دوبهم يرتبوا شنطهم << مو أنا طبعا خخخ
المهم صارت الساعه 9 ويالله دوبنا نحرك
واكيييد عشان الوالد الله يطول بعمره ويحفظه يبا يصلي الظهر في المدينة ماصدق اخويا سائق السياره فرصه وجات لعنده وآخذها حجه وفقع في أم الخط 180 على 200 أغلب الخط كدا وابوي مسكين يده على قلبه وأنا في عالم آخر مع النوم خخخ ومالي خلق تصوير ولا شي وأخلاقي تجارية

ههههه مو التحفظ عليكم كثرة الحكي

ماشاءالله تبارك الله من جدك 200 و180 حمدلله ربي يحفظكم ولا عاد تكررونها

وصلنا بحمدلله عالساعه 12 ماشالله يعني كل الخط يمكن آخدناه في ساعتين ونص هههه
ولما وصلنا بدأت اصحصح وتذكرت في ناس ورايا يبوا تقارير خخخخخ << محد درى عنك

المهم صورت كم صوره لجبل أحد واحنا في الخط واخوي مسرع ويابن الحلال هدي شويا خليني اصور ولكن مسرع بس مع ذلك محد يرددني وأصور ولا همني حد وكله لعيونكم خخخخخخخخ

ههههه تسلم عيونك وحمدلله ع سلامتكم

ووصلنا الحرم النبي الشريف عشان نصلي الظهر

ربي يتقبل منكم يارب وعسى مانسيتينا من الدعاء

وصورة أخرى للمظلات

ماشاءالله شيء جميل

وصورة بعد انتهاء الصلاة بجوالي العزيز اللذي أشكره جزيل الشكر هههه لأني استخدمته كتيييييير لسبب سوف أذكره لاحقاً

يعني تشويق بس ماشاءالله كأن الشمس قوية؟ كم كانت درجة الحرارة وقتها؟

بعد الصلاة كانت الساعه 1 تقريباً طبعا ماصار وقت التشيك ان قلنا خلينا نستغل الوقت ونروح نآكل في مطاعم المدينة الجميله

ووقع الاختيار على سويس هاوس في شارع سلطانه
وهو أحد المطاعم الجديدة والجمييييييلة والخطيره بصراحة

ماشاءالله دايم مطاعم أوربية وأمريكية أيش السر

وهنا المدخل
وهذي نلقاها في وجهنا علطول عشان يفرحونا هههههه لأنه بصراحه ولا مطعم من المطاعم مايستاهل 15 % خصوصا لو كان طلبنا كتير بياخدوا قريب 100 وهما بس جابوا الأكل وشالوه اموت واعرف على ايش خدمه

ههههه وليه زعلانه طيب خذيه سفري خخخ

والمطعم بالدور الثاني
الجهة اليمنى مطعم والجهة اليسرى كافيه
ومع اننا وصلنا بدري بعد الظهر مباشرة إلا انه الاطلالة بالمطعم يعني بالجهة اليمنى كانت مليانه ورحنا مكان مره ماعجبنا حسيته مكتوم ولما شافونا مش عاجبنا المكان غيروه لنا ورتبوا لنا في الكافيه طاوله حلوه ولها اطلالة عالشارع العام

وهنا بعض من الديكورات
في الكافيه
وهنا بالخارج جلسات خارجيه روووووووووووووعه بالليل والجو البارد
ومن الاطلاله نقدر نشوف الجلسات كمان
وهنا الاطلاله لطاولتنا طبعاً هذا الجبل جبل أحد
من بعض الديكورات
الاطلالة بكميرتي العزيزه

المنيووو

اختياري

بعض من الوجبات

سويس سيزر سلاد مع اللحم والدجاج

وجبة ماي فاذر ربيان مشوي
وجبتي اللزيييييييييييييزة مررره بصراحه يكفي انها مفلفله يمي يمي
صورة اقرب للتعذيب لوجبتي ههههه

صورة لجانب من طاولتنا المليئة بكل مالذ وطاب

وأخيراً التقليد لمولتن كيك ههههه بصراحه مره كان عادي مش واو

تشيز كيك السنكرز لبابا عاشق السنكرز ههههه ممم برضو عاديه

وأخيراً عند الساعه 4 الا ربع تقريباً انتهينا

ولقينا جموووووع كثيره من الناس تنتظر دورها والحمدلله اننا جينا بدري ولا مالقينا مكان وبصراحه مافيه مطاعم صاحيه في المدينة غير سويس هاوس وستيك هاوس وابل بيز غير كده عااااااادي

تقييمي للمطعم مررررررررره روووووعه مقابل أسعاره
صح مايرتقي بمستوى تشيلز في الطعم بس بالنسبه لنظافته وتنوع المنيو ورخص اسعاره مره مره عجبني

وأعطيه 1000 على 10 يستاهلون

ماشاءالله تبارك الله ويارب هني وعافية ع قلبكم صراحة صور مشهية خاصة الآن فترة غداء كل شيء يشهي بس إلا وجبتك



سندويتش وكمان مبسطوه إنها مفلفله وين الأستيك؟ وين اللحوم ؟



شكلها مره رايق الجلسه فيها بجد أحس فيها شاعريه



خخخ هذه كيك سنيكرز ؟ شكلها تشيز كيك؟ لما تنزلي الخبر جربي كيك السنيكرز عند الليوان شكلاً وطعماً

وبعدين إيش التحيز هذا تعطي المطعم 1000 من10 وإنتي ياشرشوره وجبتك سندويتش نبي تقيم للأستيك تبعه كيف وضعه؟ والسؤال الأهم البيبسي ري فل ؟ ههههههه

بجد الله يعطيك العافية والله تقرير المطعم لحاله يستحق 10 نجوم

بعدها انطلقنا للماريوت

وهنــآك جننوا أهلنا حسبي الله فيهم

أروي لكم ماحدث في الحلقه المقبله قريباً ان شاء الله هههههه <<< تسمع بالتشويق

استمتعوا

هههههه طيب مالنا إلا الصبر عليك نبي التقرير يكتمل ونرضى بتشويقك بعدها بنحكم

الله يعطيك العافية على الجزء الأول ولي عودة بإذن الله للجزء الثاني ، والمسامحة ع التأخير الصراحة إني متابع بحمااااس وتشويق بس بالرد تأخرت لاني أبي يكون ردي صح على تقريرك الكبير

تسلم أناملك لسمة ذوق وتستاهلي الخمس نجوم وكالعادة بجدارة

هلا فيك M.O.A

ويسلمو على رأيك القميل في تقريري المتواضع
وكويس انك تشجعت ههههه بس قبلها إحكيلي عشان أقترح عليك فنادق جميلة فعلاً
<<< والله من كثر مافرفرت أحسني حفظت الفنادق في المدينة

هههه مدري ليه أحسك فيك إجرام في حياتك ؟ شكلك شقيه آيام الدمرسه وتضربي الطالبات زميلاتك من صغرك وإلا لك مناوشات مع أخوانك

وكيف فرحانه بالراتبين وتبي شيء يليق بفلوسكم المفروض تفتحيها ع بحري وتجي ع نفسك وجيبك أشوية

اجراااااام بالعكس مره مره كنت بكااااااية وخواااااافة درجة أولى بس بنفس الوقت متسلطة هههه مدري كيف تجي
أفتكر كنت أخاف اذا سكروا باب الفصل أحس ممكن أختنق << مدري ليه التفكير
وطول الوقت وانا أقول لا تسكووووه وأقول للابله كمان وبنفخ هههههه
وكنت اذا لعبت المراجيح أقولهم دفوني ومحد يطلع من الاولاد خخخخخخ <<< جباره

وبعدين ايش أفتحها هدي ليه هما أساساً خلولنا مجال نمسك شويه غصباً عننا فتحنا جات الراتبين من هنا وكل شي زاد من هنا لابااااااارك الله فيهم مقهوره <<< وحدة دوبها جاية من السوبر ماركت وكل شي زاد فعلاً

وبالنسبة للفندق ماعليك كله على حساب الوالد الله يحفظه اش دخلني انا هههههههههه

يعجبني فيك إطلاعك وبحثك ماشاءالله عليك لك طول بال في الموضوع

عني قبل فعلاً كنت مطلع بكثرة الآن في أسماء معينة لفنادق هي اللي أبحث عنها في أي سفره لي مثلاً " فور سيزون - روز وود - ميرديان -سمر سيت - شاليها الموفنبيك - وغيرها بس دايم أكون محصور بينها.

بس حكيك عن الزحمة فعلاً شيء قلق وبقوة خاصة هذه الإجازة آنا صار لي موقف الأسبوع الماضي طلعت من بيتي للكورنيش أخذت ساعة إلا ربع وهذا آنا مطل ع الكورنيش الأيام العادية والويك إند العادي بين 2 إلى 5 دقائق بس تخيلي 45 دقيقة الأسبوع الماضي

ههههه تفسفس ترى مو بس عندكم حتى عندنا هالكلمه

وعليكم عافية فندق الماريوت صراحة إختيار موفقه وكان ضمن لستتي في الفنادق ولا زال إذا كنت مسافر لحالي بس إذا كنت برفقة أي حد أو حتى سفرة مع الزملاء ما بينفع أبدا راقي وجميل بس تحسي الغرف صغيرة وضيقه كمان أكثر من اللازم

وإلا الراحة فيه مره عجيبة والصراحة سعره مناسب جداً جداً لاني أتذكر في سنة 2007 أو قبلها سكنته في الرياض 1500 ريال لليلة وآنا لحالي كيف لو كان فيه مرافقين خخخخ

بس حلوه التجربة تعجبني كثير حكاية التجارب

والله أول مره أدري انكم تقولوا تفسفس غريبه هههه يلا معلومة جديده

اما الفنادق فأنا لو الود ودي أشتغل مرشدة سياحية ومنظمة رحلات الللللللله من جد حلم مرررره أحب هالشي واذا حبيت أروح مكان مابخلي ولا فندق ماكون قرأت عنه
بجد تقدر تقول هدي هوايتي لدرجة اني ممكن أجلس اتصفح بالساعات موقع بوكنج على أي مدينة في العالم وأتفرج الصور والاسعار <<< هوس

هههه عندي لك إقتراح أرسلي رابط الموضوع للإدارة على الأيميل يمكن تفوزي بإقامة مجانية بجد وإذا فزتي أهديني أياها خخخخ إنتي رحلتي خلاص

هههههههههههه والله اذا اعطوني ماعندي أي مشكلة حلالك لأني اصلا ماراح ارجع لهم بلاش خخخخخخ بس مابتوقع بيعطوني بعد تقييمي لهم نهاية الموضوع هههه
كمان ارسلولي ايميل على اساس أقيم الفندق فترة اقامتنا طبعاً ما قصرت خسفتهم + كتبت لهم المشكلة اللي صارت لنا

ههههه مو التحفظ عليكم كثرة الحكي

ماشاءالله تبارك الله من جدك 200 و180 حمدلله ربي يحفظكم ولا عاد تكررونها

مافهمت اش تعني الجمله الاولى بس ان شالله ماتكون ذم خخخخ

لالا مستحيل ان شالله يعيدها

ههههه تسلم عيونك وحمدلله ع سلامتكم

ربي يتقبل منكم يارب وعسى مانسيتينا من الدعاء

ماشاءالله شيء جميل

يعني تشويق بس ماشاءالله كأن الشمس قوية؟ كم كانت درجة الحرارة وقتها؟

ربي يسلمك وياااااااااااارب يتقبل

الشمس كانت مرررررره قوووووية بس الحمدلله فيه مظلات والجو صح حار بس مو مره زي الصيف

ماشاءالله دايم مطاعم أوربية وأمريكية أيش السر

احنا من محبين المطاعم الامريكية وبنحاول نخلي بابا زينا بس للأسف كل ما يطلع من المطعم يحس نفسه ماشبع وروق زي المطاعم العربية هههههه والله أرحمه بعض الاحيان
هو ياقلبي عليه يروح معانا بس عشاننا ربي يخليه لنا

ههههه وليه زعلانه طيب خذيه سفري خخخ

كمان تحكي ليه زعلانه بالله ماتحسه نصب ياخدو مبلغ عشان يودو الاكل ويجيبوه
طيب انا بروح مطبخهم واجيبه وارجعه تاني خخخخخخ والله من جد مايستاهل هالمبلغ

ماشاءالله تبارك الله ويارب هني وعافية ع قلبكم صراحة صور مشهية خاصة الآن فترة غداء كل شيء يشهي بس إلا وجبتك

سندويتش وكمان مبسطوه إنها مفلفله وين الأستيك؟ وين اللحوم ؟

لييييييه تحكي عن وجبتي هيك والله انها أطلق وجبة
وماله السندويتش يمي والله وكمان مفلفله هذا السر في لذتها تحس بحماس وانت تآكلها حار بس تقاوم ههههه <<< أنفع دعاية هههههه

وبعدين الاستيك انا ماعممممممري بحياتي طلبت استيك ماحب ماتخيل اكل لحمة كده مو جاي معايا مدري ليه مع اني بحب اللحم عادي بس كده استيك قووووية أحس بطني ماراح يستحمل ههههه

الوالد كان يبا استيك بس بيسوي حمية ههههه وطلب بحري

والجلسات خطيييييييييييره بجد مره رووووااااق خصوصا لو كان المحل فاضي

خخخ هذه كيك سنيكرز ؟ شكلها تشيز كيك؟ لما تنزلي الخبر جربي كيك السنيكرز عند الليوان شكلاً وطعماً

وبعدين إيش التحيز هذا تعطي المطعم 1000 من10 وإنتي ياشرشوره وجبتك سندويتش نبي تقيم للأستيك تبعه كيف وضعه؟ والسؤال الأهم البيبسي ري فل ؟ ههههههه

بجد الله يعطيك العافية والله تقرير المطعم لحاله يستحق 10 نجوم

ايوه حكيت انها تشيز كيك هههه ارجع للموضوع
ممم للأسف مامداني المره الماضيه أمر الليوان بس ان شالله القادم أحلى ههههه

وليه تحكي عني متحيرة بالعكس يستاهل المطعم وأكتر يكفيهم انهم ماياخدو فلوس خدمة <<<< هذا اللي عاجبني اكتر شي هههههه

بالنسبة للاستيك أعتقد مامتي طلبت استيك وكان لزيز وهما مشهور بأنو الستيكات عنده لزيزه
اما الببسي ايوه فيه ريفل مره وحده بس عادي مابحتاج أنا أعبيه اكتر من مره
وكمان سعره 3 ريال بس وصراحه هوا الوحيد اللي انتبهت لسعره الببسي هههههه

هههههه طيب مالنا إلا الصبر عليك نبي التقرير يكتمل ونرضى بتشويقك بعدها بنحكم

الله يعطيك العافية على الجزء الأول ولي عودة بإذن الله للجزء الثاني ، والمسامحة ع التأخير الصراحة إني متابع بحمااااس وتشويق بس بالرد تأخرت لاني أبي يكون ردي صح على تقريرك الكبير

تسلم أناملك لسمة ذوق وتستاهلي الخمس نجوم وكالعادة بجدارة

خلاص كملته والحمدلله
وربي يعطييييييك الهافيه على ررردك وعلى الفايف ستااارز

ومنتظره ردك عالجزء التااااني